Örverur finnast í kryddi

Í eftirlitsverkefni Heilbrigðiseftirlits og Umhverfisstofnunar voru tekin 106 sýni af kryddi og kryddblöndum á tímabilinu mars-maí. Af þeim voru 11 sýni yfir mörkum um örverufjölda.

Í tilkynningu kemur fram að niðurstöður þessa eftirlitsverkefnis sýna að krydd sem selt er í verslunum um land allt er almennt undir þeim mörkum sem miðað er við varðandi örverufræðileg gæði þess, en 10% sýna stóðust ekki viðmiðunarmörk vegna myglusveppa og auk þess greindust saurkólígerlar langt yfir viðmiðunarmörkum í einu sýnanna.

Ástand krydds er betra en var þegar síðast var gerð úttekt á kryddi árið 2003.

Örverur í kryddi geta verið vandamál, þá einkum mygla og aðrar jarðvegsörverur. Því er mikilvægt að matvælafyrirtæki séu vakandi yfir örveruástandi þess.

Sjá nánar á vef Umhverfisstofnunar

• 1 blogg um fréttina

Bloggað um fréttina

• Þorsteinn Gunnarsson: Pipar og Saur