Nýr heimsmeistari í Hornafjarðarmanna

Yfir 100 keppendur tóku þátt í heimsmeistaramótinu í Hornafjarðarmanna sem fór fram á humarhátíðinni á Höfn um helgina. Fram kemur á fréttavefnum Hornafirði.is, að úrslitakeppnin hafi sjaldan verið jafn spennandi og í ár en á endanum stóð Halldór Pétursson frá Reykjavík uppi sem meistari, Magnús Hjartarson varð annar og Valgerður Sigurðardóttir endaði í þriðja sæti.

Það vakti athygli, að meistarinn frá 2006, Magnús Hjartarson, var nálægt því að verja titilinn en aðeins munaði einu priki á honum og Halldóri.

Næsta Hornafjarðarmannamót verður á Unglingalandsmóti UMFÍ á Hornafirði um verslunarmannahelgina. Þá verður reynt að setja Íslandsmet í þátttökufjölda á spilamóti. Ekkert þátttökugjald verður en áheit fyrir hvern þátttakanda mun renna til til Barnahjálpar Sameinuðu þjóðanna, UNICEF.

• 3 blogg um fréttina

Bloggað um fréttina

• Þorsteinn Gunnarsson: Hvernig væri að nota PÚKANN blaðamenn
• Sigurpáll Ingibergsson: Skemmtilegt heimsmeistaramót
• Þorkell Sigurjónsson: Þeir eru mannalegir á Hornafirði.