Mál meints hryðjuverkamanns til skoðunar hjá ríkislögreglustjóra

Páll E. Winkel, aðstoðarríkislögreglustjóri, segir að greiningardeild ríkislögreglustjóra sé með mál verkfræðinema frá Indlandi til skoðunar en eins og Fréttavefur Morgunblaðsins greindi frá í morgun leitar lögreglan í Bretlandi verkfræðinema frá Indlandi í tengslum við misheppnuðu hryðjuverkaárásirnar sem gerðar voru í Lundúnum og Glasgow síðustu helgi.

Maðurinn, sem heitir Kafeel Ahmed, er jafnvel talinn vera staddur í fríi á Íslandi, en ekki hefur náðst í hann, sagði í frétt indverska dagblaðsins The Hindu í gærkvöldi.

Páll sagðist ekki geta tjáð sig frekar um málið við fjölmiðla að svo stöddu.

• 4 blogg um fréttina

Bloggað um fréttina

• Stefán Friðrik Stefánsson: Er einn hryðjuverkamannanna staddur hérlendis?
• Ingólfur H Þorleifsson: Á maður að halda sig innandyra ?
• Þorsteinn Gunnarsson: Ég sá einmitt sjúskaðan Benz 190 fyrir utan Nóatún áðan..
• Halldór Egill Guðnason: Mynd af manninum!