Handtekin grunuð um fjársvik

Í síðustu viku var tæplega fertugur karlmaður og tvítug kona handtekin vegna gruns um um fjársvik í umdæmdi lögreglunnar á Selfossi. Maðurinn hafði á mánudeginum áður fundið peningaveski á Selfossi sem meðal annars innihélt greiðslukort.

Maðurinn tók út í þrígang tóbak og annan varning að verðmæti á sjöunda tug þúsunda í verslun í Hveragerði. Hlutur konunnar var sá að hún afgreiddi manninn í öll skiptin og henni var kunnugt um að hann var ekki að nota sitt eigið kort enda þekktust þau, samkvæmt dagbók lögreglunnar á Selfossi. Fólkið viðurkenndi bæði brot sín við yfirheyrslu og voru látin laus að lokinni yfirheyrslu. Málið verður sent til ákæruvaldsins að lokinni rannsókn, samkvæmt dagbók lögreglu.

• 1 blogg um fréttina

Bloggað um fréttina

• Mummi Guð: Stupid Criminal.