Sátt hefur náðst um eignarhluti í Hitaveitu Suðurnesja eftir viðræður aðila undanfarna daga. Sáttatillaga verður lögð fyrir bæjarráð Hafnarfjarðarbæjar og Reykjanesbæjar í dag og í kjölfarið gerð opinber.

Eftir því sem Morgunblaðið kemst næst er hlutur Hafnarfjarðarbæjar í HS tryggður með aðkomu Orkuveitu Reykjavíkur og Geysir Green Energy og Reykjanesbær munu halda utan um þriðjungshlut hvor.

Styr hefur staðið um eignarhluti í HS frá því Hafnarfjarðarbær og Grindavíkurbær ákváðu að nýta forkaupsrétt á hlutum ríkisins í byrjun mánaðarins og fylgdi Reykjanesbær í kjölfarið. Upp kom pattstaða og skiptust aðilar í tvær fylkingar.

Eftir sáttafundi virðist nú hafa rofað til og samkvæmt heimildum Morgunblaðsins verður áfram sterk stjórn innan HS sem sameiginlega vinnur að uppgangi fyrirtækisins.

Tengdar fréttir

Hitaveita Suðurnesja

Hreyfingin vill öll gögn upp á borðið

• HS Orka semur við lánardrottna
• Hagnaður HS Orku 2,6 milljarðar
• „Erum ekki að stela auðlindum“
• Reynt að semja við lánveitendur HS Orku

» Fleiri tengdar fréttir