Stökk út um hótelglugga vegna ofskynjana

Nítján ára íslenskur ferðamaður stökk út um hótelglugga í Amsterdam síðustu helgi eftir að hafa borðað ferska ofskynjunarsveppi, segir á fréttavef Expatica. Báðir fótleggir mannsins brotnuðu við fallið. Expatica hefur eftir hollensku blaði að slysið á Íslendinginum sé það þriðja af völdum ofskynjunarsveppa á stuttum tíma í Amsterdam .

Í mars stökk 17 ára gömul stúlka með ofskynjanir fram af brú og í júní missti breskur maður stjórn á sér vegna inntöku sveppa og henti húsgögnum hótelherbergis, þar sem hann gisti, út um gluggann og slasaði einn vegfaranda.

Sala á ferskum ofskynjunarsveppum er leyfileg í Hollandi, en þurrkaðir sveppir eru bannaðir.

• 2 blogg um fréttina

Bloggað um fréttina

• Ingólfur H Þorleifsson: I belive i can fly
• Stefán Friðrik Stefánsson: Íslendingur slasast illa vegna sveppanotkunar