Landsbjörg segir umburðarlyndi atvinnurekenda aðdáunarvert

Björgunarskipin Húnabjörg á Skagaströnd og Þór í Vestmannaeyjum voru kölluð út í morgun til að aðstoða báta sem að þurftu á aðstoð að halda. Aðeins liðu 5 mínútur frá því að áhöfnin á Húnabjörgu var kölluð út og þar til hún var komin að bátnum en þrjátíu mínútur liðu frá því Þór var kallaður út. Fram kemur í yfirlýsingu frá Slysavarnafélaginu Landsbjörgu að aðdáunarvert þyki hversu hratt sjálfboðaliðar félagsins geti brugðist við neyðarástandi.

Þessi tvö útköll og útkall í nótt þar sem að ferðamaður féll í Laxárgljúfur sýni hversu hratt björgunarsveitirnar geti brugðist við. Þá vilji það stundum gleymast að allir félagar í Slysavarnafélaginu Landsbjörg eru sjálfboðaliðar sem þurfi að treysta á skilning atvinnurekenda sinna og að atvinnurekendur eigi hrós skilið fyrir það umburðalindi sem þeir sýni þegar björgunarsveitafólk þurfi að stökkva frá störfum sínum með engum fyrirvara.

• 2 blogg um fréttina

Bloggað um fréttina

• Bjarni Rúnar Rafnsson: umburðarlyndi atvinnurekenda
• Daníel Sigurður Eðvaldsson: Ávallt viðbúinn