Rís bjórverksmiðja í Vestmannaeyjum í vor?
Setja bókamerki
Í gangi er könnun á hagkvæmni þess að setja á stofn bjórverksmiðju í Vestmannaeyjum. Verði niðurstaðan jákvæð er stefnt að því að hefja starfsemi næsta vor og er gert ráð fyrir sex til átta störfum við verksmiðjuna, frá þessu er greint á sunnlenska fréttavefnum sudurland.is.
Það er fyrirtækið 2B-Company á Selfossi sem þarna á hlut að máli en annar eigandi þess er Eyjamaðurinn Björgvin Rúnarsson. „Þetta er á frumstigi hjá okkur," sagði Björgvin. „Við erum að skoða þennan möguleika og láta reikna út hvort hagkvæmt sé að setja upp bjórverksmiðju í Eyjum. Við erum með fjársterka aðila á bak við okkur sem ég get ekki upplýst strax hverjir eru. Okkur er full alvara og Vestmannaeyjar eru eini staðurinn sem kemur til greina hjá okkur. Þetta gæti skapað sex til átta störf og gangi allt upp byrjum við í vor og stefnum á að framleiða 1,5 milljón lítra á ári til að byrja með," sagði Björgvin í samtali við sudurland.is.
Síminn stoppar ekki hjá Árekstur.is
Greiningarmiðstöð hluti af 13 landamæraaðgerðum
Par flutt á bráðamóttöku eftir árás
Viðreisn í mikilli sókn
Unnu eftir kröfugerð sem lögð var fram í upphafi
110 milljónir í stöðu prófessors
„Mjög bagalegt“ að klára ekki málið
