Beit hluta af eyra konu fyrir utan skemmtistað

Ráðist var á konu á þrítugsaldri í miðbæ Reykjavíkur á aðfaranótt sunnudags. Samkvæmt lögreglunni í Reykjavík komu upp deilur í röð fyrir utan skemmtistaðinn Sólon í Bankastræti og enduðu þær með því að þrjár konur um tvítugt réðust á þá fjórðu. Sparkað var í konuna og beit ein árásarkvennanna hluta af eyra konunnar af. Var hún flutt á slysadeild eftir árásina og hefur nú gengist undir aðgerð á eyranu.