Lögregla lýsir eftir vitnum að skotárás í Reykjavík

Lögreglan á höfuðborgarsvæðinu lýsir eftir hugsanlegum vitnum að skotárás er gerð mun hafa verið á mann á gatnamótum Sæbrautar og Kringlumýrarbrautar laust fyrir hádegi í dag. Mun fórnarlambið hafa hlotið sár á brjósti. Árásarmaðurinn, eða mennirnir, gengur laus. Sá sem fyrir árásinni varð var á hvítum fólksbíl.

Haft er eftir sjónarvottum að alblóðugur maður með skotsár á brjóstinu hafi komið að sundlaugunum í Laugardal. Rannsóknarlögreglan hefur girt af vettvang við Kirkjusand.

Samkvæmt heimildum mbl.is munu tveir menn hafa skotið á þann þriðja með riffli. Er þeir hafi ætlað að láta kné fylgja kviði hafi borið að mann á sendiferðabíl og hafi hann tekið fórnarlambið upp í og ekið með það að Laugadalslauginni.