Varðstjóri ákærður fyrir brot í opinberu starfi
Setja bókamerki
Varðstjóri hjá lögreglustjóranum á höfuðborgarsvæðinu hefur verið ákærður fyrir brot í opinberu starfi. Hann er sakaður um að hafa misnotað stöðu sína er hann nýtti sér mannafla og bifreiðar lögreglu í eigin þágu og gaf fyrirmæli um akstur með forgangsmerkjum en hann lét aka merktri lögreglubifreið í forgangsakstri á leið frá heimili sínu til Keflavíkurflugvallar þegar hann var á leið til útlanda í einkaerindum.
Samkvæmt tilkynningu frá lögreglunni er ferilvöktun á öllum lögreglubifreiðum og innra eftirlit lögreglunnar á höfuðborgarsvæðinu leiddi til þess að grunur vaknaði um brot þegar vart varð við forgangsakstur langt umfram hámarkshraða án tilefnis.
Málinu var vísað til ríkissaksóknara sem hefur gefið út ákæru á hendur varðstjóranum. Varðstjórinn er ekki við störf á meðan málið er til meðferðar.
Lyklaskipti í ráðuneytunum
Beint: Ný ríkisstjórn tekin við völdum
Segir að verið sé að svindla á Bandaríkjunum
Alvarleg netárás á Wise
Samfylking og Viðreisn gáfu loforð
Barn lést í árásinni
Hrikalegt að heyra fréttirnar