Ný jarðskjálftahrina við Upptyppinga

Hrina smáskjálfta hófst við Upptyppinga norðan Vatnajökuls um hálf tíuleytið í morgun, en virtist vera gengin yfir núna um klukkan hálf fjögur síðdegis. Skjálftarnir mældust allir innan við tvö stig og er þessi hrina ekki nein ný vísbending, að sögn jarðeðlisfræðings. Skjálftahrinur hafa komið á þessu svæði undanfarna daga.

Steinunn Jakobsdóttir jarðeðlisfræðingur, og deildarstjóri eftirlitsdeildar eðlisfræðisviðs Veðurstofu Íslands, segir skjálftana alla vera á miklu dýpi. Hrinan staðfesti að enn sé skjálftavirkni á svæðinu, en ekki séu neinar nýjar vísbendingar fólgnar í henni.

• 1 blogg um fréttina

Bloggað um fréttina

• Svava frá Strandbergi : Það eru aldeilis uppi á þeim typpin við Vatnajökul