Fleiri bjóða frítt í strætó

Mosfellsbær hefur bæst í hóp þeirra sem ætla að bjóða námsmönnum frítt í strætó. Fyrir lá að Reykjavíkurborg og Garðabær byðu upp á þjónustuna.

Bæjarráð Mosfellsbæjar tók ákvörðun um þátttökuna á fundi skömmu fyrir helgi og standa málin því þannig að þrjú af sjö sveitarfélögum sem standa að Strætó bs. taka þátt í verkefninu "Frítt í strætó".

Hin fjögur sveitarfélögin, sem óvíst er um þátttöku hjá, eru Kópavogsbær, Hafnarfjarðarbær, Seltjarnarneskaupstaður og Sveitarfélagið Álftanes.