20 þúsund börn fá frístundakort

Innleiðing svonefnds frístundakorts í Reykjavík hefst þann 1. september næstkomandi. Öll börn á aldrinum 6-18 ára með lögheimili í Reykjavík eða tæplega 20.000 börn eiga rétt á styrk til þátttöku í íþrótta-, lista- og æskulýðsstarfsemi við innleiðingu kortsins.

Meginmarkmið Frístundakortsins er að veita öllum reykvískum ungmennum á aldrinum 6-18 ára tækifæri til að taka þátt í uppbyggilegu frístundastarfi óháð efnahag eða félagslegum aðstæðum.

Með Frístundakortinu má greiða að hluta eða að öllu leyti fyrir íþrótta-, lista- og æskulýðsstarfsemi á vegum félaga og samtaka sem starfa í Reykjavík og nágrannasveitarfélögunum. Frístundakortið stuðlar að jöfnuði í samfélaginu og fjölbreytileika í tómstundastarfi.

• 3 blogg um fréttina

Bloggað um fréttina

• Nexa: Hvað með 4 og 5 ára?
• Gúrúinn: $$
• Heimir Lárusson Fjeldsted: Frábært framtak borgarstjórnar.