„Ótrúlegt mannhaf “ á Dalvík

Ríflega 10.000 gestir eru mættir á Fiskidaginn mikla á Dalvík. Framkvæmdastjóri dagsins segir ótrúlegt mannhaf fólks vera í bænum og allt ganga vel.

Júlíus Júlíusson, framkvæmdastjóri dagsins, segir stemmninguna á götum Dalvíkur vera ólýsanlega.

„Ég spurði lögregluna að því áðan hvernig staðan væri og hún sagði fólk bara vera dásamlegt.“

Fiskidagurinn mikli er haldinn í sjöunda sinn þessa helgi. Bæjarbúar þjófstarta í kvöld og taka veglega á móti 10.000 gestum, en búist er við enn fleiri gestum á morgun á hinn eiginlega Fiskidag.

Í kvöld tekur menntamálaráðherra fyrstu skóflustungu að nýju menningarhúsi bæjarins og þar á eftir munu gestir mynda vináttukeðju neðan við Dalvíkurkirkju og hlýða á framsögur Karl Sigurbjörnssonar, biskups, og Vigdísar Finnbogadóttur um vináttuna. Í kvöld bjóða svo íbúar um 70 heimila á Dalvík gestum og gangandi heim í fiskisúpu.

• 4 blogg um fréttina

Bloggað um fréttina

• Herdís Sigurjónsdóttir: Mig laaaaaaaaaangar svo
• Jón Svavarsson: Er ekki búið að BANNA Akureyringa á Dalvík?
• Ylfa Mist Helgadóttir: Gamli heimabærinn...
• Stefán Friðrik Stefánsson: Fjölmenni á Dalvík - glæsilegt framtak