Þrír handteknir í verslun á Akureyri; einn með barefli

Þrír voru handteknir í sólarhringsverslun á Akureyri um sexleytið í morgun, voru þeir í annarlegu ástandi og einn hafði barefli meðferðis, samkvæmt upplýsingum lögreglunnar. Við leit í bíl sem mennirnir voru á fundust meint fíkniefni, hnífur, tvær kylfur og rafmagnsstuðbyssa.

Einn mannanna var grunaður um akstur undir áhrifum fíkniefna. Í bílnum fundust sex grömm af meintum fíkniefnum.

Afgreiðslumaður í versluninni tilkynnti lögreglu um mennina. Sá sem hafði kylfuna meðferðis hafði ekki ógnað neinum með henni. Mennirnir fengu að sofa úr sér vímuna á lögreglustöðinni, og síðan var tekin af þeim skýrsla. Vopnin voru haldlögð.

Í fréttum Sjónvarpsins kom fram, að einn mannanna hefði farið aftur í verslunina í kvöld og hótað starfsfólki lífláti.

• 5 blogg um fréttina

Bloggað um fréttina

• Jóhannes Ragnarsson: Utanbæjarlýður, upptjúnaður af fryggðarlosta.
• Magnús Geir Guðmundsson: Heimur helvítis!
• Ómar Ingi: Doddi hvað er að ske þarna hjá þér !!!!
• Sigurður Axel Hannesson: Dæmdur, en gengur þó laus
• Hallgrímur Guðmundsson: Þetta hafa ábyggilega verið.........