Stjórn Sambands ungra framsóknarmanna samþykkti á fundi sínum í gærkvöldi ályktun þar sem hörmuð er og fordæmd framganga ráðherra Sjálfstæðisflokksins í tengslum við málefni nýrrar Grímseyjarferju. Er þess krafist, að ráðherrarnir axli ábyrgð sína í málinu.

Í ályktuninni segir m.a., að SUF telji að fyrrverandi samgönguráðherra beri ábyrgð á því að hundruðum milljóna króna af almannafé hafi verið sóað. Þá sé framkoma fjármálaráðherra í málinu engan veginn sæmandi, en hann hafi farið á svig við lög og beiti nú pólitískum bolabrögðum gagnvart Ríkisendurskoðun.

Segist stjórn SUF telja rétt að fjárlaganefnd Alþingis hafi frumkvæði að því að Alþingi kalli eftir tafarlausri stjórnsýsluúttekt á ráðuneytum samgangna og fjármála.

Tengdar fréttir

Grímseyjarferja

Stjórnsýsluúttekt á Vegagerðinni á lokastigi

• Öll meginmarkmið með Grímseyjarferju náðust
• Hefur siglingar í fyrrihluta apríl
• Grímseyjarferjan flýtir för
• Kostnaður vegna útboða Sæfara hækkar enn

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Söngur framsóknarmauranna um axlir og ábygð.
• Níels A. Ársælsson.: Frændur eru frændum verstir