„Þegar þú kaup­ir notað skip þá þarftu að eyða í viðgerðir og ég vissi að Íslend­ing­arn­ir þyrftu að eyða mikl­um fjár­mun­um í þær," seg­ir Kevin O'Brien, fyrr­um eig­andi Oi­le­an Arann, hinn­ar nýju Gríms­eyj­ar­ferju.

Fyr­ir­tæki hans, O'Brien Shipp­ing ltd, seldi Vega­gerðinni skipið í nóv­em­ber­lok árið 2005 á 925 þúsund pund, eða tæp­lega 104 millj­ón­ir króna á þávirði. Síðan hafa verið greidd­ar rúm­lega 280 millj­ón­ir króna í viðgerðir og end­ur­bæt­ur á því og Rík­is­end­ur­skoðun tel­ur að heild­ar­kostnaður vegna þess verði að minnsta kosti 500 millj­ón­ir króna.

Það kem­ur O'Brien alls ekki á óvart að kostnaður­inn við end­ur­bæt­ur á skip­inu hafi verið svona hár. „Þú þarft stórt tékk­hefti þegar þú kaup­ir notað skip því þau éta upp pen­inga. Skipið hafði verið í sigl­ing­um á hverj­um ein­asta degi árs­ins frá því að við keypt­um það. Það hafði ekki tíma til að fara í slipp eða neitt þannig. Það var því ekki fal­legt skip og lík­lega ekki málað jafn oft og ís­lensk stjórn­völd myndu mála það, en þetta var sterkt skip sem hafði gengið í tíu ár milli eyj­anna hérna og hafði því sannað sig."

O'Brien seg­ir ástæðu þess að eig­end­urn­ir hafi ákveðið að selja skipið vera þá að þeir feðgar ætluðu að hætta í ferju­brans­an­um. „Skipið var aug­lýst til sölu hjá skipa­miðlur­um í Englandi og Íslend­ing­arn­ir hafa lík­lega séð það þar. Við vild­um losna við skipið hratt og telj­um okk­ur því hafa selt það ódýrt. Íslensk stjórn­völd hefðu átt að greiða helm­ingi meira fyr­ir það og má því segja að þau hafi unnið í lottó­inu hvað varðar kaup­verðið."

Nán­ar í Blaðinu

Tengd­ar frétt­ir

Gríms­eyj­ar­ferja

Stjórn­sýslu­út­tekt á Vega­gerðinni á loka­stigi

• Öll meg­in­mark­mið með Gríms­eyj­ar­ferju náðust
• Hef­ur sigl­ing­ar í fyrri­hluta apríl
• Gríms­eyj­ar­ferj­an flýt­ir för
• Kostnaður vegna útboða Sæ­fara hækk­ar enn

» Fleiri tengd­ar frétt­ir

• 6 blogg um frétt­ina

Bloggað um frétt­ina

• Áddni: Eft­ir­sókn­ar­verður lottó-vinn­ing­ur það!
• Snorri Magnús­son: Frænd­ur vor­ir...
• Ólaf­ur Ragn­ars­son: Lottóvinn­ing­ur­inn
• Ein­ar Vign­ir Ein­ars­son: Enn meira,
• Guðjón Sigþór Jens­son: Hver ber ábyrgð á ferju­klúðrinu?
• Guðrún Em­il­ía Guðna­dótt­ir: Lotto hvað!