Skutu á gæsahóp úr bíl á ferð í Mosfellsdal

Lögreglan á höfuðborgarsvæðinu hafði afskipti af mönnum sem vitni segir hafa skotið úr haglabyssu út um bíl á ferð. Sást til mannanna er þeir óku í átt til Reykjavíkur eftir Þingvallavegi ofarlega í Mosfellsdal og skaut farþegi í bílnum á gæsahóp án þess að stöðva bifreiðina. Lögregla stöðvaði bílinn og lagði hald á vopnið, einnig fundust tóm skothylki í vegkantinum.

Að sögn lögreglu má hvorki skjóta úr bíl á ferð né af þjóðveginum eða innan þess svæðis sem tilheyrir höfuðborgarsvæðinu.

Mönnunum var sleppt eftir viðræður við lögregluþjóna.

• 3 blogg um fréttina

Bloggað um fréttina

• Jakob Falur Kristinsson: Gæsir
• Gísli Bergsveinn Ívarsson: Hvaða veiðimennska er þetta eiginlega?
• Jóhannes Ragnarsson: Öfga ný-frjálhyggjumenn ráðast a gæsir í Mosfellsdal.