Forseti Íslands sæmir tvo prófessora riddarakrossi

Forseti Íslands, Ólafur Ragnar Grímsson, sæmdi tvo prófessora við háskólann í Leeds riddarakrossi íslensku fálkaorðunnar í Leeds í morgun. Prófessorarnir, Andrew Wawn og Rory McTurk, hafa um áratugaskeið sinnt rannsóknum á íslenskum fræðum.

Ólafur Ragnar ávarpaði í morgun fund sem skipulagður var af ræðismanni Íslands í Leeds, Mark Warburton en fundinn sóttu ýmsir áhrifamenn í viðskiptalífi Leeds. Í hádeginu mun forseti opna nýja skrifstofubyggingu fyrirtækisins Innovate, dótturfélags Eimskips, en byggingin er umhverfisvænasta skrifstofubygging í Bretlandi.

• 1 blogg um fréttina

Bloggað um fréttina

• Markús frá Djúpalæk: Sennilega kuldalegt að fá hana á brjóstið