Grunaðir um innflutning á kókaíni frá Suður-Ameríku

Lögreglan á höfuðborgarsvæðinu mun fara fram á gæsluvarðhald yfir tveimur körlum sem eru grunaðir um innflutning á ætluðum fíkniefnum frá Suður-Ameríku. Talið er að um sé að ræða 1800 ml af kókaíni í fljótandi formi. Mennirnir, annar á fertugsaldri en hinn um fertugt, voru handteknir í Laugarneshverfi í Reykjavík síðdegis í gær.

Þetta kom fram í fréttatilkynningu frá lögreglunni núna á þriðja tímanum í dag.

Fíkniefnadeild lögreglunnar á höfuðborgarsvæðinu hefur stýrt rannsókn málsins sem unnin er í samvinnu við bandarísku fíkniefnalögregluna (DEA). Aðkomu að rannsókn málsins eiga einnig tolla- og lögregluyfirvöld á Suðurnesjum sem og tollayfirvöld í Reykjavík.

• 2 blogg um fréttina

Bloggað um fréttina

• Kristín Snorradóttir: Nú er fjör á fróni.
• Jakob Falur Kristinsson: Fíkniefni