Samherji lokar vinnslustöð á Hjalteyri

Útgerðarfyr­ir­tækið Sam­herji hef­ur til­kynnt lok­un skreiðar­vinnslu sinn­ar á Hjalteyri en starfs­stöðin er stærsti at­vinnu­veit­and­inn í Arn­ar­nes­hreppi. Að sögn Ax­els Grett­is­son­ar odd­vita kem­ur þetta sér illa fyr­ir Hjalteyri bæði vegna þess að 8 til 10 manns missa vinn­una og húsa­leigu­samn­ingi við hrepp­inn mun að öll­um lík­ind­um verða sagt upp.

Vinnsl­an hef­ur farið fram í hús­næði gömlu síld­ar­vinnsl­unn­ar sem er í eigu hrepps­ins. Axel sagði að ein­hverj­ir hefðu sýnt því áhuga að leigja verk­smiðjurn­ar en ekk­ert væri fast í hendi.

Starfs­fólk­inu hef­ur að sögn verið boðin vinna hjá Sam­herja á Dal­vík í vet­ur og akst­ur þangað en ekk­ert víst um fram­haldið.

Ekki náðist í stjórn­end­ur Sam­herja sem munu sitja fundi er­lend­is.

• 7 blogg um frétt­ina

Bloggað um frétt­ina

• Jón­ína Christen­sen: Komm´on
• Ari Guðmar Hall­gríms­son: Hvað eru marg­ir Sam­herj­ar á land­inu??
• Þorkell Sig­ur­jóns­son: VINN­AN ER MANNS­INS MEG­IN.
• Jakob Falur Krist­ins­son: Sam­herji hf.
• Hall­grím­ur Guðmunds­son: Stjórn­völd stæra sig...........
• Ní­els A. Ársæls­son.: Dal­vík næst ?
• Bjarni Kjart­ans­son: Sam­herja­menn sitja fundi ER­LEND­IS