Skilorð fyrir árás á sambýliskonu sína
Héraðsdómur Reykjaness.
mbl.is
Setja bókamerki
Héraðsdómur Reykjaness hefur dæmt karlmann í tveggja mánaða skilorðsbundið fangelsi fyrir líkamsárás á sambýliskonu sína. Honum var jafnframt gert að greiða tíu þúsund krónur í sakarkostnað.
Árásin sem átti sér stað á þáverandi heimili málsaðila í nóvember á sl. ári var með þeim hætti, að maðurinn tók konuna kverkataki og henti henni í framhaldinu í gólfið. Konan marðist og tognaði á hálsi, baki og yfir bringuspölum. Hún fór ekki fram á miskabætur.
Í niðurstöðu dómsins kemur fram að maðurinn hefur ekki áður komist í kast við lögin auk þess sem hann játaði brot sitt skýlaust. Leit dómurinn til þess við ákvörðun refsingar.
„Mér finnst gamla Samfylkingin komin aftur“
Stóðu skógarþjófa að verki
Kristrún Frostadóttir verður forsætisráðherra
Þetta eru ráðherrar ríkisstjórnarinnar
„Óviðunandi eftirlit með börnum“
Ók á hóp fólks á jólamarkaði: Einn látinn
Funda með þingflokkum
