Biðin brátt úr sögunni?

Þrátt fyrir þetta og fleiri aðgerðir til að vinna á biðlistum munu mannekla í hjúkrun og ófullnægjandi lausnir varðandi langvistunarsjúklinga „þó áfram ógna því jafnvægi sem við eygjum milli framboðs og eftirspurnar þjónustu", skrifar Jóhannes Gunnarsson, framkvæmdastjóri lækninga á LSH, í nýjasta hefti starfsemisupplýsinga spítalans.

Leitað til gjafasjóða

Þá hefur 261 maður þurft að bíða lengur en þrjá mánuði eftir aðgerð á hjartadeild. Þrátt fyrir nálægt 70% aukningu kransæðaþræðinga hefur biðlisti lengst. Því eru áform um að fjölga rannsóknarstofum úr tveimur í þrjár og fjölga þannig þræðingum án þess að bæta við starfsfólki svo nokkru nemi.

Nú bíða 283 manns eftir aðgerð á lýtalækningadeild Landspítala, þar af hafa 244 beðið í þrjá mánuði eða lengur. Alllöng bið hefur lengi verið eftir brjóstaminnkunaraðgerðum á deildinni.

Mat Jóhannesar lækningaforstjóra LSH er að það eigi rót sína að rekja til þess að allir læknar þeirrar sérgreinar eru aðeins í hlutastarfi við spítalann. Þrátt fyrir viðleitni hefur ekki tekist að laða lækna í fullt starf við deildina.

Nánar er fjallað um þetta í Morgunblaðinu í dag.