Fylgi ríkisstjórnarinnar 70% samkvæmt nýrri könnun

Samanlagt fylgi ríkisstjórnarflokkanna, Sjálf­stæðisflokks og Samfylkingar, er nú 70% samkvæmt nýrri skoðanakönnun Fréttablaðsins. Samanlagt kjörfylgi flokkanna í kosningunum í maí var 63,4%. 40,2% segjast nú myndu kjósa Sjálfstæðisflokkinn, rúmum þremur prósentustigum meira en kjörfylgi hans. 29,8% segjast myndu kjósa Samfylkingu, sem er tæpum þremur prósentustigum meira en kjörfylgi flokksins.

16,5% styðja Vinstri græna sem er rúmum tveimur prósentustigum hærra en kjörfylgi hans. Framsókn fengi samkvæmt könnun Fréttablaðsins 8,8% atkvæða sem er tæpum þremur prósentu­stigum undir kjörfylgi. 4,4% segjast kjósa Frjáls­lynda flokkinn samkvæmt könnuninni, sem er einnig tæpum þremur prósentustigum undir kjörfylgi hans.

• 3 blogg um fréttina

Bloggað um fréttina

• Jón Ingi Cæsarsson: Sterk ríkisstjórn athafnastjórnmála.
• Steinn Hafliðason: Það er eitt að kjósa flokk og annað að styðja …
• Kristín M. Jóhannsdóttir: Villandi fyrirsögn