Hundur hefur ráðist á fólk á Akranesi

Grimmur hundur af Schäfertegund gekk laus á Akranesi í liðinni viku og réðist á fólk og veitti því áverka. Fram kemur á fréttavef Skessuhorns, að hundurinn hafi meðal annars bitið konu í handlegg svo sauma þurfti sárið. Daginn eftir hafði hann eldri konu undir á bílastæði utan við Einarsbúð og er hún marin á eftir. Þá sé vitað að hundurinn beit þriðju konuna en hún hefur ekki lagt fram kæru.

Skessuhorn segir að hundurinn sé enn á lífi en bæjaryfirvöld og fulltrúar lögreglu séu einhuga um að hundinum beri að koma úr umferð hið fyrsta. Þá telji þeir að skerpa þurfi á reglum um hundahald á Akranesi í kjölfar þessa máls.

Magnús Sigurðsson, dýraeftirlitsmaður á Akranesi sagðist í samtali við Skessuhorn kannast við málið. Hann hefði hinsvegar ekki treyst sér til að aðhafast þar sem eigandi hundsins hafi haft í alvarlegum hótunum við sig og málið væri því í höndum lögreglu.

Skessuhorn

• 7 blogg um fréttina

Bloggað um fréttina

• Gísli Foster Hjartarson: Óferjandi og óalandi
• Gísli Bergsveinn Ívarsson: Skerpa á reglum um hundahald?
• Snorri Bergz: Er hundur í Skagamönnum?
• Ragnheiður : Lappi og Keli
• Magnús Jónsson: Dýsvitaus hundeigandi.
• Sigurður Elvar Þórólfsson: Plaff, plaff
• Sunna Dóra Möller: Hundur veldur skelfingu...