Leigubílar skipta út gula litnum fyrir bleikan
Setja bókamerki
Leigubílastöðin Hreyfill ekur nú undir bleikum merkjum til styrktar Krabbameinsfélagsins og til að vekja athygli á þeim vágesti sem brjóstakrabbamein er. Liturinn er einkennislitur árvekniátaks um brjóstakrabbamein og jafnframt má sjá bleika slaufu í stað bókstafsins X í orðinu TAXI á ljóskerum bílanna.
Það er að sögn Vignis Þrastar Hjálmarssonar deildarstjóra hjá Hreyfli einsdæmi að leigubílar skipti svona um lit á lögboðnum gulum ljósaskiltum sínum en það er gert með sérstöku leyfi frá samgönguráðuneytinu.
„Það verður árviss viðburður næstu fimm árin hjá okkur að við skiptum litum," sagði Vignir Þröstur í samtali við Fréttavef Morgunblaðsins, en alls munu um 350 leigubílar stöðvarinnar setja upp bleiku skiltin.
Bleiku ljósakúplarnir eru í eigu Krabbameinsfélagsins og munu bílstjórar Hreyfils sömuleiðis selja bleiku slaufuna í bílum sínum fyrir Krabbameinsfélagið. Vignir þröstur sagðist vona að þetta veki athygli, hvetji aðra til styrkja Krabbameinsfélagið og verði til að hvetja konur til að fara í skoðun.
Aðspurður sagði hann að flestallir bílstjórarnir væru ánægðir með átakið en þó hefði heyrst í einstaka karlrembum sem vilji ekki keyra með bleikt skilti en Vignir Þröstur sagði að ekki væri hlustað á slíkt þegar svona góður málstaður væri annars vegar.
Hellisheiði og Þrengsli ekki opnuð í dag
Búið að opna Hellisheiði
Sex fluttir með þyrlunni og þar af eitt barn
„Við munum grípa inn í“
Í þögn hjartans
Spá 13-18 stiga frosti í borginni
Taka upp grímuskyldu á Landspítalanum
Var að slitna frá bryggju sökum hvassviðris