Guðni Ágústsson varar við þenslu í atvinnulífinu

Guðni Ágústsson, þingmaður og formaður Framsóknarflokksins, sagði í stefnuræðu sinni á Alþingi fyrr í kvöld að hann sæi tækifæri í ósigri flokksins í kosningunum. „Þrátt fyrir ósigur í kosningum erum við bjartsýnir fyrir hönd Íslendinga og munum endurreisa flokkinn okkar,” sagði Guðni.

„Í tapi þínu kunna tækifæri þín að liggja í ósigrum, sigrar morgundagsins,” voru spakmæli sem Guðni lét falla um gengi Framsóknarflokksins í síðustu kosningum.

Hann sagði að ógnir dagsins fælust í verðbólgu og þenslu í atvinnulífinu.

Davíð er sótugur vélstjóri þjóðarskútunnar
Hann varaði við háum vöxtum sem reyni á skuldir unga fólksins. „Það þarf og verður að stíga á bremsur, hagstjórnin er nú öll í höndum Seðlabankans. Davíð Oddsson seðlabankastjóri er orðinn vélstjóri á þjóðarskútunni, hann er sótugur upp fyrir haus við að smyrja og kæla vélarnar, hefur eina handbremsu sem hann beitir ótæpilega og hækkar stýrivexti látlaust,” sagði Guðni.

• 4 blogg um fréttina

Bloggað um fréttina

• Magnús Paul Korntop: Framsókn grætur.
• Brynjar Hólm Bjarnason: Þenslan og Framsókn.
• Ómar Ingi: Þetta er
• Magnús Helgi Björgvinsson: Bíddu Guðni varst þú ekki ráðherra í 12 ár og …