Dagur B. Eggertsson, oddviti Samfylkingarinnar í borgarstjórn Reykjavíkur, segir algerlega ótækt að innanflokks átök í borgarstjórnarflokki Sjálfstæðisflokks leiði til ákvarðana eins og þeirra, að selja milljarðahlut í opinberum fyrirtækjum á borð við Reykjavik Energi Invest.

Dagur sagði, að það hefði sýnt sig á undanförnum dögum, að slíkar ákvarðanir væru teknar í bakherbergjum líkt og á þeim fundi, sem nú stendur yfir í Ráðhúsinu en þar ræða sjálfstæðismenn mál fyrirtækisins og aðdraganda þess að ákveðið var að sameina REI og Geysir Green Energy.

Dagur sagði, að auðvitað ætti útrás í orkumálum að skila sér til almennings en það hvernig staðið var að þessu máli, hafi eyðilagt möguleika á, að slíkt gæti átt sér stað með eðlilegum hætti.

Minnihlutaflokkarnir í borgarstjórn hafa óskað eftir aukafundi í borgarstjórninni um mál Reykjavik Energy Invest. Dagur sagði, að Samfylkingin hefði ekki enn fengið þau gögn, sem hún hefði beðið um og ætti fullan rétt á að fá. Sennileg yrði að sækja þau upp í Orkuveitu Reykjavíkur.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 3 blogg um fréttina

Bloggað um fréttina

• Dofri Hermannsson: Hagsmunir almennings virðast gleymast
• Auðun Gíslason: Ógildið samningana!
• Kristín Dýrfjörð: Æfing í lýðræðislegum gildum