Umferðaóhöpp í hálkunni

Hálku gætti á götum Akureyrar í morgun og fram eftir degi og var hún ástæðan fyrir þremur umferðaróhöppum þar í dag. Tveir bílar runnu á sitt hvort umferðaskiltið á Borgarbraut og var annar bíllinn óökufær eftir áreksturinn. Þriðja óhappið varð er ökumaður missti stjórn á bíl sínum og ók utan í kyrrstæðan bíl. Í öllum tilvikum var einungis um eignatjón að ræða og engin slys urðu á mönnum.

• 1 blogg um fréttina

Bloggað um fréttina

• Landssamtök hjólreiðamanna: Forðumst slysin. Á reiðhjóli : hegðun + nagladekk