Leikfangamarkaður springur út

Markaður fyrir leikföng á Íslandi er að taka stakkaskiptum þessa dagana. Framboð á leikföngum stóreykst þegar tvær risastórar leikfangaverslanir verða opnaðar á höfuðborgarsvæðinu í þessum mánuði. Báðar stórverslanirnar boða miklar verðlækkanir og harða samkeppni. Báðar ryðja þær sér til rúms undir enskum nöfnum. Toys'R'Us sem útibú alþjóðlegrar verslanakeðju og í kynningu á leikfangaversluninni sem ber heitið Just4Kids er þetta rökstutt með þeim orðum að hún sé íslensk verslun í alþjóðlegri samkeppni, hérlendis og væntanlega erlendis á næstunni. Þess vegna heiti hún þessu enska nafni.