Bóluefni gegn H5N1 fuglaflensu keypt til landsins

Íslensk heilbrigðisyfirvöld hafa keypt bóluefni gegn H5N1 fuglaflensu. Í gær undirritaði sóttvarnalæknir samning við GSK fyrir hönd heilbrigðisyfirvalda sem tryggir að í landinu verði til 10.000 skammtar af H5N1 bóluefni til nota í mönnum, fari svo að H5N1 inflúensuveiran greinist hér á landi.

Þetta kemur fram á vef Landlæknis.

Bóluefnið verður afhent í desember á þessu ári og verður geymsla þess og notkun á ábyrgð sóttvarnalæknis. Samningurinn veitir Íslendingum möguleika á kaupum á fleiri skömmtum af bóluefninu verði þess óskað.

• 2 blogg um fréttina

Bloggað um fréttina

• Haukur Baukur: Heimsfaraldur
• Bara Steini: Enn og aftur... Fiðurfénaður....