Borgarfulltrúar Sjálfstæðisflokksins telja ástandið óþolandi og ekkert vit í því að oddviti Framsóknar í borginni rannsaki sjálfan sig. Þeim brá í brún við túlkun Jóns Sigurðssonar, varaformanns nýrrar stjórnar, á hlutverki hennar í 24 stundum í gær. Fulltrúarnir tveir fóru í gær fram á tafarlausan fund í stjórn Orkuveitu Reykjavíkur þar sem hlutverk stjórnarinnar sé nú orðið æði óljóst.

Formanni nýrrar stjórnar Orkuveitu Reykjavíkur var skrifað í gærmorgun. Þeir segja að viðtal við Jón Sigurðsson í 24 stundum í gær þar sem fram hafi komið að pólitískur stýrihópur skipaður af borgarráði eigi að fara ofan í rekstur og móta framtíðarstefnu félagsins kalli á viðbrögð. Júlíus Vífill Ingvarsson og Kjartan Magnússon fara fram á stjórnarfundinn en þeir sitja báðir í nýju stjórninni. Í bréfinu sem Júlíus skrifar óskar hann eftir því að stjórnin taki málið fyrir sérstaklega með tilliti til æði óljóss hlutverks hennar, umboðs hennar, framsals á umboði og lagaskyldu hennar.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 5 blogg um fréttina

Bloggað um fréttina

• Stefán Friðrik Stefánsson: Björn Ingi rannsakar sjálfan sig - óverjandi verklag
• Sigrún Einars: Hvað sérð þú á þessari mynd frh.
• Jakob Falur Kristinsson: Sjálfstæðismenn
• Gísli Bergsveinn Ívarsson: Brotamenn fái að stýra rannsóknum á sjálfum sér
• Friðrik Friðriksson: Er þetta orðið Ground Zero á Mannhattan hjá okkur!