Rúta lenti á ljósastaur

Umferðaróhapp varð á Reykjanesbraut skammt vestan við Grindavíkurveg klukkan 17 í dag en þar var lítilli rútu ekið á ljósastaur. Samtals voru níu manns í rútunni en enginn slasaðist, að sögn lögreglunnar á Suðurnesjum. Ljósastaurinn féll á jörðina við höggið.

Lögreglan segir, að í nótt hafi verið unnin skemmdarverk í Vogum. Voru samtals 18 rúður brotnar í iðnaðarhúsum á Jónsvör og Hafnargötu. Þeir sem geta gefið upplýsingar varðandi málið eru vinsamlegast beðnir um að hafa samband við lögreglu á Suðurnesjum.

• 1 blogg um fréttina

Bloggað um fréttina

• Ásta : Rjúpa eða rúta...