17 þúsund erlendir ríkisborgarar á vinnumarkaði hér

Vinnumálastofnun áætlar að um 22.000 erlendir ríkisborgarar séu nú búsettir á landinu og um eða yfir 17.000 þeirra séu á vinnumarkaði. Stofnunin segir, að mikil fjölgun erlendra starfsmanna hafi verið innan flestra atvinnugreina frá árinu 2005, einkum þó byggingariðnaðar þar sem áætlað sé að um 40% starfsmanna séu með erlendan ríkisborgararétt.

Langflestir þeirra sem koma til starfa hingað til lands frá ríkjum utan gamla evrópska efnahagssvæðisins koma frá Póllandi.

Úttektin byggir að mestu á útgáfu atvinnuleyfa, skráningu starfsfólks frá nýju ríkjum ESB og fjölda útlendinga sem hafa komið til starfa gegnum starfsmannaleigur eða sem útsendir starfsmenn, auk upplýsinga frá Hagstofu Íslands.

Skýrsla Vinnumálastofnunar

• 2 blogg um fréttina

Bloggað um fréttina

• Jenný Anna Baldursdóttir: Hvað gerðum við án þeirra?
• Bogi Jónsson: Útlendingar og útlendingar ekki það sama