Léttvínsfrumvarp gengur þvert á forvarnastarf þjóðkirkjunnar

Karl Sigurbjörnsson, biskup Íslands, segir að fái hann frumvarp um frjálsa sölu á léttvíni og bjór í verslunum til umsagnar frá Alþingi, sé ljóst að hann muni með vísan til stefnu þjóðkirkjunnar í vímuvarnamálum, benda á að frumvarpið gangi þvert á forvarnastarf kirkjunnar og annarra aðila, og muni auka enn á vanda samfélagsins.

Þetta kom fram í fyrirspurnatíma biskups á Kirkjuþingi í dag í svari við spurningu frá Huldu Guðmundsdóttur.

Hefðbundin þingstörf eru nú á Kirkjuþingi. Búist var við, að tvær tillögur, sem lúta að aðkomu kirkjunnar að staðfestri samvist, yrðu afgreiddar úr nefnd og jafnvel teknar til umræðu að nýju á þinginu í dag en nú er ljóst að það verður ekki.

• 4 blogg um fréttina

Bloggað um fréttina

• Daði Einarsson: Og hvaða máli skiptir það?
• Smári Jökull Jónsson: Af hverju hann en ekki ég ?
• Haraldur Haraldsson: Nei ,mundi Biskup segja um frumvarpið!!!!!!
• Jóhannes Ragnarsson: Drykkfelldu 17 menningarnir og kirkjan