Úti að aka undir áhrifum áfengis og fíkniefna
Setja bókamerki
Tveir ökumenn voru teknir fyrir ölvunarakstur á höfuðborgarsvæðinu í nótt. Annar þeirra, karl á þrítugsaldri, var stöðvaður í Grafarvogi en hinn, 18 ára piltur, var stöðvaður í Kópavogi. Sá yngri hefur aldrei öðlast ökuréttindi en með honum í bílnum voru sex farþegar, sem allir voru í annarlegu ástandi.
Þá voru tveir ökumenn teknir fyrir að aka undir áhrifum fíkniefna í gærkvöld. Fyrst var kona um tvítugt stöðvuð fyrir þær sakir í Breiðholti og síðan var tæplega þrítugur karl stöðvaður af sömu ástæðu í Hafnarfirði. Í bíl hans fundust ætluð fíkniefni en ökumaðurinn og farþegi hans, karl á líkum aldri, voru báðir færðir á lögreglustöð en sá síðartaldi reyndist jafnframt vera eftirlýstur fyrir aðrar sakir, samkvæmt upplýsingum frá lögreglu.
För tveggja ökumanna til viðbótar var stöðvuð í Breiðholti í gærkvöld og nótt en báðir voru réttindalausir. Annar þeirra, karl um þrítugt, hafði þegar verið sviptur ökuleyfi en hinn, 16 ára piltur, hefur skiljanlega aldrei öðlast ökuréttindi.
Hraunið við bílastæði Bláa lónsins
Maskína: Framsókn í fallbaráttu
Drónamyndskeið frá hápunkti gossins í nótt
Litlar líkur á að hraunið nái til mannvirkja
Hraun fór yfir Grindavíkurveg
Börn hafi engan rétt á leikskólakennslu
Gosið gæti varað lengur: Meiri fyrirstaða í gosrásinni
Búseta skortir byggingarlóðir