Með tveggja ára barn í framsætinu
Setja bókamerki
Lögreglan á höfuðborgarsvæðinu hafði afskipti af mörgum ökumönnum um helgina vegna ýmissa brota. Í tilkynningu frá lögreglu segir að hugsunarleysi sumra sé með ólíkindum en dæmi um það er þrítugur ökumaður sem var stöðvaður í Kópavogi en með honum í för var barnið hans, tveggja ára. Barnið sat í framsæti bílsins með öryggisbelti spennt en barnabílstóll eða ámóta öryggisbúnaður var hvergi sjáanlegur.
Ellefu ökumönnum var gert að hætta akstri í umdæminu um helgina en þeir höfðu ýmist þegar verið sviptir ökuleyfi eða aldrei öðlast ökuréttindi. Tveir þeirra reyndu að villa á sér heimildir en annar gaf upp nafn bróður síns en lögreglan sá við þessum lygum. Þá eru margir sem trassa að endurnýja ökuskírteinið en einn þeirra sem var stöðvaður um helgina framvísaði ökuskírteini sem rann út fyrir hálfum öðrum áratug.
Fimmtíu og eitt umferðaróhapp var tilkynnt um helgina en sjö þeirra má rekja til ölvunaraksturs. Þá má rekja eitt umferðaróhapp til aksturs undir áhrifum fíkniefna. Í fjórtán tilfellum var um afstungu að ræða.
Nágrannaþjóðir upplýstar en við vöðum í blindni
Barn lést í árásinni
Stóðu skógarþjófa að verki
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur
Auglýsingin var villandi
Kristrún Frostadóttir verður forsætisráðherra
Ók á hóp fólks á jólamarkaði: Einn látinn