Björgunarsveitarmenn aðstoða rjúpnaskyttur

Rúmum átta klukkustundum eftir að rjúpnaveiðitímabilið hófst, eða laust eftir klukkan átta í morgun, barst björgunarsveitinni Ingunni á Laugarvatni hjálparbeiðni frá tveim skyttum sem fest höfðu jeppa sinn í miðri á norðan við Sandkluftarvatn. Þeir höfðu bjargað sér í land og amaði ekkert að þeim.

Björgunarsveitin var komin til þeirra um klukkustund eftir að beiðnin barst, segir formaður sveitarinnar í tilkynningu í morgun.

Mikill straumur sé af veiðimönnum núna uppá hálendið á þessum slóðum. Björgunarsveitin Ingunn hafi undanfarna daga verið að undirbúa sig fyrir rjúpnaveiðitímabilið og búist við að þurfa að sinna þónokkrum útköllum tengdum rjúpnaveiði eins og undanfarin ár.

• 1 blogg um fréttina

Bloggað um fréttina

• Jakob Falur Kristinsson: Rjúpur