Tatjana Latinovic fékk húmanistaviðurkenningu Siðmenntar
Setja bókamerki
Siðmennt - félag siðrænna húmanista á Íslandi, hefur ákveðið að veita Tatjönu Latinovic húmanistaviðurkenningu ársins 2007 fyrir óeigingjarnt starf í þágu mannréttinda á Íslandi.
Siðmennt segir, að í áratug hafi Tatjana unnið að mestu í sjálfboðastarfi við málefni sem snerta mannréttindi, kvenréttindi og innflytjendamál og tekið virkan þátt í uppbyggingu fjölmenningarlegs samfélags á Íslandi.
Tatjana sem er frá fyrrverandi Júgóslavíu hefur verið búsett á Íslandi í 13 ár. Hún er formaður Samtaka kvenna af erlendum uppruna á Íslandi, er í stjórn Alþjóðahússins og Kvennaathvarfsins auk þess að eiga sæti í innflytjendaráði í félagsmálaráðuneytinu. Hún er með BA próf í ensku og þýsku frá háskólanum í Osijek í Króatíu en á Íslandi lauk hún BA prófi í íslensku fyrir erlenda stúdenta við Háskóla Íslands árið 1998. Áður en hún kom til Íslands vann hún fyrir alþjóða Rauða krossinn á stríðssvæðunum í Bosníu og hefur einnig unnið að málefnum flóttamanna hjá íslenska Rauða krossinum.
Forstjóri bendir á ábyrgð birgja vegna verðhækkana
Fyrsti blaðamannafundurinn í heild sinni
„Börn heima sem maður myndi vilja hafa í skjóli“
„Mér finnst gamla Samfylkingin komin aftur“
Beint: Ný ríkisstjórn tekin við völdum
Funda með þingflokkum
„Tímabil aukinnar eldvirkni“
Var engin kristnitaka árið 1000?
