Úrkomumet féllu á að minnsta kosti 33 veðurstöðvum í október

Úrkomumet féllu á að minnsta kosti 33 veðurstöðvum í október. Að sögn Veðurstofunnar hafa flestar metstöðvarnar þó aðeins verið starfræktar innan við 20 ár. Mesta mánaðarúrkoman mældist í Kvískerjum, 824,9 mm og er það nýtt met í október, en nokkuð vantar upp á að mánaðarúrkoman hefði náð mestu mánaðarúrkomu á staðnum, sem féll í janúar 2002.

Þær stöðvar sem slógu met og hafa athugað í meir en 30 ár eru þessar:

• Stórhöfði í Vestmannaeyjum (frá 1921). Meiri úrkoma mældist í Vestmannaeyjakaupstað í október 1915, en samanburður milli stöðvanna er erfiður.
• Eyrarbakki (frá 1880). Úrkoma var ekki mæld á Eyrarbakka frá 1911 til 1925, þannig að ekki var mælt í október 1915, þegar metúrkoma mældist í Vestmannaeyjakaupstað.
• Elliðaárstöð (frá 1924).
• Kirkjubæjarklaustur (frá 1926)
• Hæll í Hreppum (1933)
• Vatnsskarðshólar/Loftsalir (frá 1949)
• Andakílsárvirkjun (frá 1950)
• Forsæti (frá 1960)
• Kvísker (frá 1962)
• Skaftafell (frá 1964)
• Hjarðarfell (frá 1971)
• Snæbýli (frá 1976)

• 2 blogg um fréttina

Bloggað um fréttina

• Sigurður Þór Guðjónsson: Alvöru met
• Inga Lára Helgadóttir: Ekki furða ég mig á því :-/......