Mikill viðbúnaður á Egilsstaðaflugvelli

Mikill viðbúnaður var á flugvellinum á Egilsstöðum nú rétt í þessu þegar Fokker-flugvél frá Flugfélagi Íslands þurfti að lenda þar á einum hreyfli, en bilun kom upp í hinum hreyflinum. Að sögn lögreglu er vélin lent og gekk allt vel fyrir sig. Lögreglan segir farþegana hafa gengið frá borði, en engan sakaði. Lögreglan og slökkviliðið er á staðnum. Þá var þyrla Landhelgisgæslunnar einnig í viðbragðsstöðu.

Að sögn lögreglu féll loftþrýstingur í vélinni. Alls voru 41 í vélinni, 38 farþegar og þrír í áhöfn. Lögreglan segir að enginn hræðsla hafi skapast í vélinni.

Allt tiltækt slökkvilið var kallað á staðinn auk lækna, sjúkrabíla og lögreglumanna.

• 1 blogg um fréttina

Bloggað um fréttina

• Guðný Drífa Snæland: Minn heittelskaði stökk af stað...