Skora á þingmenn að greiða atkvæði gegn áfengisfrumvarpi

Stjórn Félags íslenskra hjúkrunarfræðinga (FÍH) skorar á alþingismenn að standa vörð um forvarnarstefnu í áfengismálum og greiða atkvæði gegn frumvarpi til laga um breytingu ýmissa lagaákvæða sem varða sölu áfengis og tóbaks. Þetta kemur fram í ályktun sem FÍH samþykkti í gær.

Í ályktuninni segir:

Áfengisvandinn er vaxandi heilbrigðisvandamál hér á landi og kostnaður samfélagsins vegna hans fer vaxandi. Í gögnum frá Lýðheilsustöð kemur fram að áætlaður heildarkostnaður þjóða af völdum áfengisneyslu sé á bilinu 1-3% af þjóðarframleiðslu. Áfengi hefur neikvæð áhrif á fjölda sjúkdóma, er oft orsakaþáttur í slysum og getur haft veruleg neikvæð samfélagsleg áhrif. Áfengisneysla á meðgöngu hefur skaðleg áhrif á þroska barnsins og síðar á fullorðinsárum. Rannsóknir hafa sýnt að samband er á milli aðgengis að áfengi og neyslu. Aukið aðgengi að áfengi mun án efa leiða til aukinnar áfengisneyslu unglinga og annarra einstaklinga í áhættuhópum.

Í Heilbrigðisáætlun til ársins 2010, sem samþykkt var samhljóða á Alþingi þann 20. maí 2001, eru áfengis-, vímuefna- og tóbaksvarnir settar fram sem fyrsta markmið. Þar eru sett fram markmið um að minnka heildarneyslu áfengis hér á landi og ekki síður að vinna gegn neyslu ungs fólks. Að mati stjórnar FÍH vinnur umrætt frumvarp gegn þessum markmiðum Heilbrigðisáætlunarinnar.

• 12 blogg um fréttina

Bloggað um fréttina

• Steini Thorst: Styðjum hjúkkurnar og aðra sem eru á móti þessu
• Salvör Kristjana Gissurardóttir: Áfengi í matvörubúðum - vodkasala Íslands - vörumerkið Ísland REI …
• Jenný Anna Baldursdóttir: Með hjúkkunum í málinu!
• Magnús Jónsson: Að misnota félag
• Magnús Geir Guðmundsson: Kjósandinn ég segir NEI!
• Gísli Foster Hjartarson: Leggjumst gegn þessari....
• Sædís Ósk Harðardóttir: Hjartanlega sammála þeim...
• Guðmundur Jónsson: Hverjir mega selja löglegt dóp?
• Jóhannes Ragnarsson: Að kaupa brennivíninu grið í hinu heilaga einokunarbatteríi
• Þorkell Sigurjónsson: ERU RÓNAR EKKI FÓLK ?
• Inga Lára Helgadóttir: Já ég fæ ekki leið á að mótmæla þessu ;)
• Hörður Svavarsson: Allir á einu máli?