Umferðin í rör milli eyjanna

Með því að beina umferðarþunganum út úr Reykjavík og láta umferðina fara milli eyjanna úti á sundunum í rörum úr áli og plasti, plægðum ofan í hafsbotninn, myndu lífsgæði tugþúsunda Reykvíkinga batna verulega, að mati Hrafns Gunnlaugssonar kvikmyndaleikstjóra.

Hrafn vill færa borgina út á sundin og um leið leysa þann vanda sem umferðarþunginn veldur. „Fari umferðin um eyjarnar myndast hringleið út úr borginni að vestan út í Akurey, yfir í Engey, meðfram Viðey og loks yfir Gufunes og upp á Kjalarnes. Það hefði væntanlega í för með sér að komast mætti hjá því að reisa þau mislægu gatnamót sem eru í undirbúningi á leiðinni út úr borginni upp yfir Ártúnsbrekkuna. Vandinn er hins vegar sá að um leið og ein gatnamót eru orðin mislæg myndast nýr tappi á Ártúnsbrekkuleiðinni," bendir Hrafn á.

Hrafn sér fyrir sér að lögð verði tvö rör sitt í hvora áttina og þegar þau verði ekki lengur nothæf verði þeim lokað.

• 6 blogg um fréttina

Bloggað um fréttina

• Þröstur Reynisson: Veruleikatenging
• Snorri Bergz: Góð hugmynd
• Kjartan Pétur Sigurðsson: Hrafninn flýgur í skipulagsmálum - sem er vel
• Sigurður Hrellir: Önnur opinberun Hannesar?
• Ía Jóhannsdóttir: Snjöll hugmynd- gæti bjargað sálarheill borgarbúa.
• Jakob Falur Kristinsson: Athyglisverð hugmynd