Skapstyggir ökumenn grípa til ýmissa ráða
Setja bókamerki
Lögreglan á höfuðborgarsvæðinu segir, að undanfarið hafi allmörg mál komið á borð lögreglu, sem veki upp ýmsar spurningar um hátterni fólks. Dæmi um það sé uppákoma í Vogahverfinu þar sem bíll var kyrrstæður á miðri akbraut. Ökumaður, sem á eftir kom flautaði því á bíllinn fyrir framan en ökumaður hans, sem var að tala í síma, vatt sér þá út og skyrpti á þann sem flautaði.
Á Vesturlandsvegi varð ámóta atvik en þar var ökumaður sem flautaði á annan, eltur uppi og hótað öllu illu.
Á gatnamótum Miklubrautar og Kringlumýrarbrautar kom til handalögmála þegar tveir ökumenn biðu eftir grænu ljósi. Annar þeirra hafði reykspólað heldur hressilega að mati hins en þegar sá síðarnefndi vildi koma athugasemd sinni á framfæri fór allt í bál og brand, að sögn lögreglunnar.
Í Grafarholti ofbauð manni ofsaakstur í tiltekinni götu. Hann setti því kúst fyrir framan bíl glannans sem reiddist því mjög og sló til hins.
Í Árbæ kom upp svipað mál en þar var manni svo misboðið að hann lagði bíl sínum fyrir framan innkeyrslu hjá meintum ökufanti. Sá fór því hvergi fyrr en lögreglan kom á staðinn og skakkaði leikinn.
Það er ekkert partí án spurninga!
„Aðstæður í stjórnmálum geta breyst á einni nóttu“
Telur sér ekki heimilt að úthluta Helga verkefni
Hrikalegt að heyra fréttirnar
„Þetta er ríkisstjórn almannahagsmuna“
Alvarleg netárás á Wise
Samfylking og Viðreisn gáfu loforð