9 mánaða fangelsi fyrir að slá lögreglumann

Héraðsdómur Reykjavíkur hefur dæmt karlmann á þrítugsaldri í 9 mánaða fangelsi fyrir að hóta lögreglu­manni líkamsmeiðingum og slá hann síðan með krepptum hnefa í andlitið. Fram kemur í dómnum, að maðurinn var árið 2005 dæmdur í skilorðsbundið fangelsi fyrir líkamsárás og rauf hann skilorð þess dóms með brotinu.

Maðurinn var farþegi í bíl, sem lögreglan stöðvaði við eftirlit í Reykjavík í ágúst 2005. Fram kemur í dómnum, að ökumaður bílsins hafi verið mjög æstur og í annarlegu ástandi og því hafi lögreglumennirnir ákveðið að færa hann í handjárn.

Farþeginn hafi þá orðið æstur og farið út úr bílnum og að lögreglubílnum. Einn lögreglumaður hafi reynt að róa manninn niður en án árangurs.

• 3 blogg um fréttina

Bloggað um fréttina

• Gísli Foster Hjartarson: Sleginn kaldur
• Jakob Falur Kristinsson: Líkamsárás
• Bara Steini: Lemjum Löggur...