Margir hafa orðið að hætta við íbúðakaup

Marg fólk á aldrinum 30-39 ára, og ungt fjölskyldufólk, hefur reynt að kaupa sér húsnæði í fyrsta sinn en orðið að hætta við, og meirihluti þeirra sem vilja kaupa sitt fyrsta húsnæði býst við að lenda í greiðsluerfiðleikum. Þetta er meðal þess sem fram kemur í niðurstöðum könnunar sem gerð var fyrir félagsmálaráðuneytið.

Könnunina gerði Rannsóknastöð þjóðmála, og beindist hún að stöðu 18-80 ára fólks á húsnæðismarkaðinum á landinu öllu.

Stefán Ólafsson, prófessor við Háskóla Íslands og stjórnandi könnunarinnar, sagði í viðtali við RÚV í kvöld, að þröskuldurinn inn á fasteignamarkaðinn væri orðinn hærri en áður. Vextir og fasteignaverð hafi hvoru tveggja hækkað, auk þess sem stuðningur vaxtabóta minnki stöðugt miðað við greiðslubyrði húsnæðislána.

• 4 blogg um fréttina

Bloggað um fréttina

• Jakob Falur Kristinsson: Íbúðakaup
• Magnús Jónsson: Vonandi hætta allir við að kaupa
• Gísli Foster Hjartarson: Þetta kemur nú ekki á óvart
• Jón Finnbogason: Frekar ónákvæm skoðanakönnun.