Ekki lögð malbikuð hraðbraut í Þórsmörk
Setja bókamerki
Ekki verður lögð malbikuð hraðbraut í Þórsmörk. Þetta var niðurstaða mælsku og rökræðukeppni, sem fór fram í Hvoli á Hvolsvelli í vikunni milli sveitarstjórna í Rangárvallasýslu og tjáskiptasamtakanna ITC. Þykir því ljóst að enn um sinn að minnsta kosti þurfi að notast við holótta vegi inn í Þórsmörk og fara yfir óbrúaðar ár.
Samkvæmt upplýsingum frá ITC mæltu sveitarstjórnirnar með tillögu um hraðbraut í Þórsmörk en félagar í ITC mæltu gegn tillögunni og höfðu betur.
Af hálfu sveitarstjórnarmanna voru ræðumenn þau Eydís Þ. Indriðadóttir, oddviti Ásahrepps, Unnur Brá Konráðsdóttir, sveitarstjóri Rangárþings eystra og Ingvar P. Guðbjörnsson, sveitarstjórnarmaður í Rangárþingi ytra. Liðsstjóri var Elvar Eyvindsson, sveitarstjórnarmaður í Rangárþingi eystra. Af hálfu ITC voru ræðumennirnir Þórunn Pálmadóttir, Korpu, Ingibjörg Vigfúsdóttir, Hörpu, og Anna Kristín Kjartansdóttir, Jóru, sem jafnframt var valin ræðumaður kvöldsins. Liðsstjóri þeirra var Margrét Þórðardóttir, Stjörnu.
Hvað gerðist eiginlega í VMA?
Búseta skortir byggingarlóðir
Skiptir mestu máli að fjárlögin voru samþykkt
Þórarinn: Tafir á höfuðborgarsvæðinu ekki minni
Sáu eldgosið brjótast út frá Snæfellsnesi
Heitt vatn fannst sem gæti annað 10 þúsund manns