Ölvaður farþegi henti bílstjóranum út og ók sjálfur í bæinn

Ölvuðum farþega í bíl á leið frá Þor­láks­höfn til Reykja­vík­ur í nótt þótti ekki nógu greitt ekið og brá á það ráð að henda öku­mann­in­um út og aka sjálf­ur í bæ­inn. För hans varð þó enda­slepp því að við kom­una til borg­ar­inn­ar greip lög­regl­an hann og stakk í stein­inn, þar sem hann sit­ur enn, nú í morg­un.

Ökumaður­inn sem neitað hafði að auka hraðann að kröfu hins ölvaða sat aft­ur á móti eft­ir einn og yf­ir­gef­inn í Þrengsl­un­um, en mun þó hafa bjarg­ast til byggða.

Að öðru leyti seg­ir lög­regl­an á höfuðborg­ar­svæðinu að verk­efni sín í nótt hafi verið hefðbund­in. Sex voru tekn­ir fyr­ir brot á lög­reglu­samþykkt, fjór­ir fyr­ir akst­ur und­ir áhrif­um áfeng­is, tveir fyr­ir akst­ur und­ir áhrif­um áv­ana- og fíkni­efna og einn und­ir áhrif­um annarra lyfja.

• 7 blogg um frétt­ina

Bloggað um frétt­ina

• Jó­hann­es Ragn­ars­son: Glæsi­leg fram­ganga farþega
• Sveinn Ingi Lýðsson: Af drukkn­um ein­kennisklædd­um bíl­stjóra, löggu­húfu sem skipti lit­um o.fl. smá­legu
• Eggert J. Ei­ríks­son: Hefði átt að verða öf­ugt farið
• Sæþór Helgi Jens­son: ja voða eru sum­ir heimsk­ir
• Haf­steinn Viðar Ásgeirs­son: Hér telja marg­ir....
• Linda litla: Ökumaður og jóla­svein­arn­ir
• Ein­ar Vign­ir Ein­ars­son: Þetta er rosa­legt.