Hluthafafundi í Reykjavík Energy Invest þar sem rætt er um þátttöku fyrirtækisins í kaupum á sextíu% hlut í Orkuveitu Filippseyja, lauk á sjötta tímanum. Niðurstaða af fundinum er ekki gefin upp og öðrum dagskrárliðum fundarins var frestað fram að framhaldshluthafafundi, sem haldinn verður á föstudag. Þetta kom fram í kvöldfréttum RÚV.

Hluthafafundurinn, sem hófst í gær en var svo frestað til dagsins í dag, átti að hefjast klukkan fjögur en seinkaði um rúman klukkutíma þar sem fundur í stjórn REI stóð lengur en gert var ráð fyrir.

Aðalumræðuefnið á fundinum var þátttaka REI í kaupum á hlut í Orkuveitu Filippseyja, í samvinnu við Geysi Green Energy og orkufyrirtækið First Gen á Filippseyjum.

Í fréttum RÚV kom fram að hluthafar eru bundnir trúnaði af niðurstöðu hans og því fæst ekkert uppgefið um hana fyrr en í fyrsta lagi þegar tilboði hefur verið skilað, en frestur til þess rennur út á miðvikudagsmorgun.

Tengdar fréttir

Reykjavik Energy Invest

Óskar úttektar á störfum sínum

• Vilhjálmur Þ.: Gagnrýnir fréttaflutning Morgunblaðsins
• REI-menn bera vitni
• Rannsakað með aðkomu REI
• Enex í gíslingu eigenda sinna

» Fleiri tengdar fréttir

• 2 blogg um fréttina

Bloggað um fréttina

• Gísli Bergsveinn Ívarsson: Opinbert fyrirtæki?
• Haraldur Haraldsson: Hluthafundi REI lokið!!!!!